ICONIC H 特色熱狗店 (已搬遷) 新店位置

今日o係紅磡見個客，見客前目有少少時間，就肚周圍咁搵下野食，行行下就見到呢間主打熱狗既專門店，見幾得意就入去試下吧。叫左個「松葉蟹狗」，材料包括有松葉蟹肉、牛油果、翡翠苗、明太子沙津醬、法蘭克福腸，滿滿既松葉蟹肉放滿整個熱狗當中，而且好好鮮甜，一絲扣一絲既蟹肉在口腔中打滾旋轉中起舞，肉味濃既法蘭克福腸配埋牛油果、翡翠苗、明太子沙津醬，咸香鮮甜集於一身，清新感之中不失啖啖肉既感覺，呢種生活態度的確幸福。「黑松露炸薯條」講到食著條黎講，我都算講究，我特別喜歡食肉肉薯條，最好食既就係薯條內充滿著啖啖既薯肉，外脆內軟，每一啖都被著肉包圍住，配埋店主自家製既黑松露醬，既有蛋黃醬既香味，黑松露亦得突出，兩者加埋真心無敵。