砂煲兄弟 (悅來坊) (已結業)

今日去左大窩口探親戚 親戚介紹我地可以試下係悅來坊呢間新餐廳 叫砂煲兄弟🤩天氣開始涼左少少 食煲仔飯就岩曬！🥳餐廳係新派裝修 我地坐左係卡位好舒服😌餐廳好多選擇 最特別既係有唔同種類 各式各樣既煲仔飯👻除左煲仔飯仲有好多小食！我地先叫左鵝肝慢煮牛柳煲仔飯😍黎左之後一定係淋煲仔飯豉油😆估唔到鵝肝同煲仔飯係咁match!!! 牛柳都煮得好冧！好好味🥰小食叫左炸鯪魚球！配合芥末醬好香口滋味😈❤️仲有碟涼伴葱油豆腐😌呢個好似中和小小煲仔飯既熱氣🤣仲有碗老公大讚既當歸杞子燉雞湯😍呢個好足料入味！飲品叫左紅豆咖啡同熱咸柑枯蜜！滿足😍埋單仲有85折！好抵食！