更多
2024-06-30
1765 瀏覽
#seriishungry_旺角平日夜晚嚟到旺角搵食,經過呢間特色創意泰國菜。見到好多嘢食飲品嘅造型都好特別,又有好多人排緊隊喎,好奇之下就排埋一份,試吓呢間泰國嘢!餐廳嘅範圍都幾大,但係竟然座無虛席,好多人食緊嘢同時出邊都好多人排緊隊。環境都幾光猛闊落,坐得幾舒服!🤤香辣蟹蒜炒麵 $118呢個炒麵都幾足料,除咗蟹肉放咗好多之外,仲有蘿蔔條芽菜炒蛋等等。醬汁都微辣香口,撈埋個面一齊食好好食。而且蟹肉都比得幾多一啲都唔慳㗎。成個麵份量唔少夠兩至三個人分!🤤泰脆炸豬手 $148呢個炸豬手一上檯簡直嚇親我哋,因為佢真係非常大份而且連骨原條上。外皮炸到好脆,有啲似燒肉嘅口感。但係肉質就稍嫌有啲乾同硬,調味都真係偏鹹,唔鍾意重口味嘅朋友應該唔會太鍾意。底層仲鋪咗啲菜,夾埋個豬手一齊食就會冇咁膩同重口味,但份量真係好多建議三至四個人一齊分會比較好!🤤泰國珍珠奶茶奶蓋 $48呢個珍珠奶茶奶味都幾濃,質感偏厚身,珍珠都食得出係有炒過嘅。總括而言,呢間泰國菜造型好啱打卡味道都唔錯,而且性價比幾高,每一個餸菜份量都唔少,好啱朋友聚餐一齊食。但係味道就未到好特別,不過想試吓一啲特色好睇泰國菜嘅朋友都可以嚟呢
#seriishungry_旺角
平日夜晚嚟到旺角搵食,經過呢間特色創意泰國菜。見到好多嘢食飲品嘅造型都好特別,又有好多人排緊隊喎,好奇之下就排埋一份,試吓呢間泰國嘢!
餐廳嘅範圍都幾大,但係竟然座無虛席,好多人食緊嘢同時出邊都好多人排緊隊。環境都幾光猛闊落,坐得幾舒服!
🤤香辣蟹蒜炒麵 $118
呢個炒麵都幾足料,除咗蟹肉放咗好多之外,仲有蘿蔔條芽菜炒蛋等等。醬汁都微辣香口,撈埋個面一齊食好好食。而且蟹肉都比得幾多一啲都唔慳㗎。成個麵份量唔少夠兩至三個人分!
香辣蟹蒜炒麵
$128
67 瀏覽
0 讚好
0 留言
🤤泰脆炸豬手 $148
呢個炸豬手一上檯簡直嚇親我哋,因為佢真係非常大份而且連骨原條上。外皮炸到好脆,有啲似燒肉嘅口感。但係肉質就稍嫌有啲乾同硬,調味都真係偏鹹,唔鍾意重口味嘅朋友應該唔會太鍾意。底層仲鋪咗啲菜,夾埋個豬手一齊食就會冇咁膩同重口味,但份量真係好多建議三至四個人一齊分會比較好!
泰脆炸豬手
$148
77 瀏覽
0 讚好
0 留言
🤤泰國珍珠奶茶奶蓋 $48
呢個珍珠奶茶奶味都幾濃,質感偏厚身,珍珠都食得出係有炒過嘅。
泰國珍珠奶茶奶蓋
$48
84 瀏覽
0 讚好
0 留言
總括而言,呢間泰國菜造型好啱打卡味道都唔錯,而且性價比幾高,每一個餸菜份量都唔少,好啱朋友聚餐一齊食。但係味道就未到好特別,不過想試吓一啲特色好睇泰國菜嘅朋友都可以嚟呢度一試!
📍青花 (THE FOREST) (旺角)
旺角奶路臣街17號THE FOREST 1樓107-108號舖
好食指數💗💗💗
性價比指數💗💗💗💕
回頭指數💗💗💗
推薦指數💗💗💗
follow @seriishungry 睇更多00後探店紀錄!
張貼