心裡有素 (已結業)

最近食得肉多都想轉轉口味，今晚轉食素食自助餐，清新一下😘😘我最鍾意天婦羅炸物，酥脆輕盈的麵衣包住四款炸物：金菇、蕃薯，南瓜及茄子，食到停唔到口😅😅仲有麻辣涼皮，粗身涼皮好滑又Q彈，少少麻，好開胃👍醋漬蕃茄，酸甜清涼，必食之選😘😘正宗北京炸醬麵，老闆特別用上北京地道醬料製作炸醬麵，好窩心😍😍沙律吧，有新鮮火箭菜，沙律菜，蕃茄仔，紅菜頭，西瓜🍉，哈密瓜🍈…….等等熟食都好多款，羅漢齋、炆茄子、銀芽炒素翅、蕃茄炒蛋、干炒四季豆、椰菜花、猴頭菇蓮藕片，涼瓜炒素雞，咕嚕核桃，炒飯，黑露炒伊麵，小米粥…..飲品有紅棗羅漢果茶、檸檬薏米水及玄米茶，健康有益😁😁甜品：椰汁杞子龍眼桃膠雪燕糖水，唔太甜，好滋潤👍