金記冰室 (Two Harbour Square)

營業中

休息中

觀塘區大部份茶餐廳都係好舊式，呢間比較新淨靚仔，入到去原來係西式+傳統茶餐廳嘅裝修，光猛乾淨，坐得舒服。疫情關係都係外賣走。是日晚餐有幾款，老火湯每日唔同。紫薯生炒骨有新意，有鑊氣估唔到又幾match，$78有湯有餐飲，食完都好飽。本來我叫個焗豬扒飯，變咗個焗雞髀飯。是但啦不過隻雞髀大隻又幾林，又Juice，水準不錯。金記冰室，老字號得來食物有返咁上下，傳統中有啲創新，迎合現代人口味，帶領左茶餐廳去新嘅景象，怪唔之得叫外賣都要等一陣（叫焗飯會耐啲），好多單好受歡迎。請注意呢個係工商業區嘅夜晚都咁多人幫襯。