港原味 (已搬遷) 新店位置

大角咀真係好多美食，呢排食親嘅餐廳都係好食到可以encore～最近見到呢間喺利奧坊嘅港原味做緊新開9折優惠，主打新派香港美食，加上見到裝潢好靚，全部都係舊日香港特色嘅壁畫，有別於平時嘅茶餐廳，就去咗試下晚飯。入面全部餸菜（除咗農夫包之外）都跟飯及飲品，住家湯就需另加$8，價錢大部份都係$100以下，價錢貼地！（以下價錢未折）一坐下，店員就送上小食，是晚有素鵝呢！好開心！糖醋魚($88)本身好鍾意食甜甜酸酸嘅食物，所以見到糖醋魚就二話不說點咗一客，份量毫不欺場，每件糖醋魚都好薄粉，食落啖啖肉，醬汁甜酸度亦控制得恰到好處，開胃又送飯！仲有好多菠蘿及三色椒，好味！椒鹽鮮魷($98)男友最鍾意食魷魚，我自己本身麻麻地食大排檔嘅魷魚，但呢個椒鹽鮮魷有驚喜，魷魚好彈牙又唔會韌，口感甚佳，椒鹽亦唔會太重口味，我自己都食唔停口！芝士農夫包($99）農夫包份量十足，可自選自家製辣肉醬煎蛋、班腩、海鮮、雞牛豬扒，醬汁都可以選擇葡汁、芝士黑松露汁或自家製咖喱汁。咖喱汁牛肉農夫包，麵包略嫌唔夠脆，食落偏硬，而且唔係好索汁，有待改善。咖喱汁唔係好辣，反而香味較重，配上熱溶芝士，其實都好難唔好食！食落惹味醒胃！牛