影片
更多
2016-05-29
1162 瀏覽
我和兒子一向都是零食的中堅分子，尤其愛吃《齒來香》的懷舊餅食、馬仔和蛋卷等，所以每兩、三個月就會去掃貨一次。其實對上兩次去入貨的時候，就已經留意到，餅店隔壁開了間以新派 fusion 麵食為主打的車仔麵店《Noodies》，不過每次都因為另有約會而一直未有到訪，所以趁這天去附近探朋友，就和老公兩口子來試試。店子其實地方不大，以吧檯為主，而且只有十餘個座位，不過裝潢整潔企理，加上椅子全部都有靠背，所以坐得尚算舒服。入座後先拿起點菜紙細看，車仔麵以 $46 為起點，可以自選標準餸兩個，由第三個餸起，就要額外收費，標準餸每款 $6，而升級餸則每款 $12。至於湯底和麵食方面，選擇亦非常豐富，前者湯底有港式的豬骨清湯底、泰式冬蔭公湯底、新加坡喇沙湯底等等，而後者麵食，除了有大路的米粉、油麵、烏冬等可供選擇外，還有一些較有特色的麵食，如馬來西亞手工麵、日本素麵、昆布麵。如果仲揀唔到啱心水的話，其實黑板上亦會有好幾款 Today’s Special 的麵食、小吃和飲品等可供選擇。另外麵店亦設有四款已經 preset 咗麵底同餸菜的麵食，當中包括夏日冰之選、輕食之選、肉食之選和人氣之選，適合不愛動腦
我和兒子一向都是零食的中堅分子，尤其愛吃《齒來香》的懷舊餅食、馬仔和蛋卷等，所以每兩、三個月就會去掃貨一次。其實對上兩次去入貨的時候，就已經留意到，餅店隔壁開了間以新派 fusion 麵食為主打的車仔麵店《Noodies》，不過每次都因為另有約會而一直未有到訪，所以趁這天去附近探朋友，就和老公兩口子來試試。
店子其實地方不大，以吧檯為主，而且只有十餘個座位，不過裝潢整潔企理，加上椅子全部都有靠背，所以坐得尚算舒服。入座後先拿起點菜紙細看，車仔麵以 $46 為起點，可以自選標準餸兩個，由第三個餸起，就要額外收費，標準餸每款 $6，而升級餸則每款 $12。至於湯底和麵食方面，選擇亦非常豐富，前者湯底有港式的豬骨清湯底、泰式冬蔭公湯底、新加坡喇沙湯底等等，而後者麵食，除了有大路的米粉、油麵、烏冬等可供選擇外，還有一些較有特色的麵食，如馬來西亞手工麵、日本素麵、昆布麵。
如果仲揀唔到啱心水的話，其實黑板上亦會有好幾款 Today’s Special 的麵食、小吃和飲品等可供選擇。另外麵店亦設有四款已經 preset 咗麵底同餸菜的麵食，當中包括夏日冰之選、輕食之選、肉食之選和人氣之選，適合不愛動腦筋的食客。
選了一濃一淡，點咗「肉食之選」同「輕食之選」，前者揀了喇沙湯底，而後者就選了豬骨清湯底。首先上桌的肉食之選 ($75)，餸菜有雞翼、溏心蛋、肥牛及芝士，配上韓麵和喇沙湯底。吃呷一口湯，味道濃郁香辣，而且質感又無坊間的一般喇沙湯底咁稠身同油膩，啖落更帶陣陣椰香。而老公就盛讚韓國麵有咬口之餘仲非常掛汁，配自家製的滷水雞翼、蛋香味突出的溏心蛋、索滿喇沙湯汁的肥牛和豆卜一起吃，非常惹味，而且和韓麵很夾。
至於輕食之選 ($69)，餸菜就比較簡單，包括有鴨胸、粟米、時菜、雲吞，配上越南河和豬骨清湯底。同樣地先嘗一口湯底，湯質雖然較清，但味道都幾甘香，而配吃的越南河粉亦夠曬爽口滑溜，加上厚度均等的鴨胸、皮薄餡豐的自家製鮮肉雲吞等，食味亦不俗。如果嫌味寡的話，其實檯面另放有調味料、炸蒜等，可以用來增添食味。原來幾款預設麵食都已經包埋飲品，所以都幾經濟抵食。
張貼
