影片
更多
2012-02-09
77 瀏覽
適逢老闆心情好請食下午茶, 我同一班同事就去左公司附近嘅”新”東海堂幫襯. 其實佢係東海堂嘅一條新line, 叫arome bakery room. 我諗應該仲未有好多人知東海堂會有一個咁樣嘅新改革…紫薯撻咁多樣甜品之中, 賣相最吸引嘅就非紫薯撻莫屬. 間條pattern嘅紫色甜蕃薯上面舖咗層白色糖霜, 感覺好精緻. 而入面呢, 就係香滑忌廉同鬆軟蛋糕. 夾埋紫薯嚟食, 味道有特色得黎都唔錯. 總括嚟講呢個撻幾有創意, 唔會咁易係街見到. 值得一試. 熱情果朱古力蛋糕相較之下, 熱情果蛋糕在外觀上就普通啲, 起初覺得有啲似栗子蛋糕. 不過切開就眼前一亮啦! 原來裡面分左好多層, 視覺上非常色彩繽紛. 而食落中間啲熱情果果jam都好有果香味, 配上淡淡嘅朱古力mousse, 感覺都幾夾. 而且唔會太甜, 亦都好開胃. 個人覺得幾岩我口味. 甘酒朱古力蛋糕望落去個様似豆腐布甸, 但其實佢係一件有酒味嘅蛋糕. 切開會見到裡面有一層朱古力mousse, 而餅底就係牛油餅乾. 不過其實試落個味道除左香甜之外, 隻甘酒又好似無乜咁特別. 不過蛋糕上面放咗啲薑條, 喺細微位加番分. 紅桑
紫薯撻
咁多樣甜品之中, 賣相最吸引嘅就非紫薯撻莫屬. 間條pattern嘅紫色甜蕃薯上面舖咗層白色糖霜, 感覺好精緻. 而入面呢, 就係香滑忌廉同鬆軟蛋糕. 夾埋紫薯嚟食, 味道有特色得黎都唔錯. 總括嚟講呢個撻幾有創意, 唔會咁易係街見到. 值得一試.
熱情果朱古力蛋糕相較之下, 熱情果蛋糕在外觀上就普通啲, 起初覺得有啲似栗子蛋糕. 不過切開就眼前一亮啦! 原來裡面分左好多層, 視覺上非常色彩繽紛. 而食落中間啲熱情果果jam都好有果香味, 配上淡淡嘅朱古力mousse, 感覺都幾夾. 而且唔會太甜, 亦都好開胃. 個人覺得幾岩我口味.
甘酒朱古力蛋糕望落去個様似豆腐布甸, 但其實佢係一件有酒味嘅蛋糕. 切開會見到裡面有一層朱古力mousse, 而餅底就係牛油餅乾. 不過其實試落個味道除左香甜之外, 隻甘酒又好似無乜咁特別. 不過蛋糕上面放咗啲薑條, 喺細微位加番分.
紅桑子荔枝蛋糕
本身都鍾意士多啤梨類嘅product, 不過呢個紅桑子就真係略嫌甜咗啲, 好在都仲有層牛油餅底中和下. 同埋其實唔係好食到有荔枝味.
綠茶玉露蛋糕呢個絕對係我最鐘意嘅一件甜品! 一開波個樣就已經好吸引, 上面層綠茶扭紋忌廉靚得嚟一啲都唔會過甜. 而個玉露綠茶布甸上面亦都舖咗啲煎茶粉. 最重要嘅係, 所有嘢夾埋一齊嘅時候所帶出嚟嘅綠茶味非常足料, 非常清香. 加埋下面層脆脆餅底, 真係一件誠意之作, 以後絕對會再買!
紅桑子松露朱古力蛋糕
外觀嚟講同平時係街見到嘅朱古力蛋糕無乜分別, 蛋糕上面有一大粒紅桑子. 至於味道就似足同樣係嚟自東海堂嘅五重朱古力蛋糕, 入面一樣有啲脆脆. 好有口感. 款式雖然普通, 但呢款特濃朱古力蛋糕一定係鍾意食朱古力嘅人嘅不二之選.
張貼
