居食屋「和民」 (已結業)

咁啱放lunch見到佢晏晝時段換咗menu就同同事入去試下，睇下有咩改變~見到佢個menu格局好似變咗，但其實內容都係一樣唯一係冇咗我最鍾意嘅燒鯖魚，變咗個唔知咩魚所以今次我就嗌咗蒜香鐵板雞扒拼白飯 等多陣上菜嘅時候，其實佢塊鐵板都幾熱，都算唔話得啦！雞扒蒜味都幾夠香夠濃，而且雞肉都嫩身唔會好鞋，薯條就係用幼身薯條嘅都幾特別，不過略嫌硬身可能凍咗再返炸嘅問題啦......不過自己都接受到嘅😛順帶一提佢呢度有薑味梳打，都幾好飲嘅，唔甜得嚟又夠薑味都唔錯！