Coti the Bistro (五芳街)

營業中

休息中

前排咁岩去新蒲崗，見到呢間cafe喺openrice都有好多好評，就順便約朋友試下呢間餐廳；餐廳位置都幾近鑽石山地鐵站，當日我同朋友兩個人係坐卡位，座位都幾寬敞，坐得都幾舒服。🥩烤美國西冷10安上配燒汁呢個菜式非常豐富，除咗有西冷之外，仲配埋香脆嘅薯條，仲有芝麻醬沙律，唔洗驚食唔飽，而西冷內裡顏色呈粉嫩，牛味香濃，份量都幾大份。🍝 明太子三文魚籽貓耳朵粉貓耳朵粉比起平時食開嘅意粉更厚，所以食起會更有質感，佢嘅形狀呈碗形，所以非常掛汁，而明太子醬汁嘅味道都幾香濃，同三文魚籽都非常夾。🍗 酥炸單骨雞翼(5隻）雞翼外皮非常香脆，雖然佢無醬汁提供，但入面嘅肉都非常juicy嫩滑，所以都唔會覺得好乾。☕️ 提拉米蘇咖啡(冷）呢杯飲品賣相非常吸引，上面係軟滑綿密嘅tiramisu cream，下面就係Americano，而tiramisu cream中和到咖啡嘅苦澀味，估唔到都幾夾。☕️ 棉花糖朱古力（熱）呢排天氣比較凍，好岩飲翻杯暖嘅朱古力；呢杯朱古力除咗有粒半融化嘅棉化糖，仲有拉花，賣相都幾吸引。