影片
更多
2017-08-31
324 瀏覽
好少黎新蒲崗，今次過黎做野順便食埋野先走。搵到呢間食海鮮粥底火鍋幾特別就試下啦。店舖唔算大，不過裝修都幾特別，一個個鍋係個牆到。呢間餐廳唔係任食，$198一位 ，包7種海鮮，6個自選配料，3個時蔬，最後會加粥膽幫你煮粥。佢係按人比份量，如果驚唔夠都可以另外加錢加配料。不過$198就唔包飲品，亦唔可以自己帶飲品去。一坐底佢就已經放左個粥水鍋係到喇，之後就拎左一個海鮮塔出黎，店員幫我地放左d 海鮮入去，有個計時器，一夠鐘就可以拎起喇。佢亦都有張指示比你睇住時間，包保唔會熟過頭。貴妃蚌最快，30秒食得，個湯底係粥水所以完全唔影響海鮮嘅鮮味，食落去勁清甜，一啲都唔腥👍🏻之後就係鮑魚同蝦。鮑魚size 都幾大隻，成隻匙羹咁大，又係3分鐘岩岩好，唔會太硬，好易咬開，咩野都唔洗落都好好食，食得出佢地嘅海鮮係好新鮮。蟹要放最長時間，10分鐘，個粥水湯底就開始變淡橙色，變成海鮮湯。蜆同沙白係一d沙都冇，粒粒都開口冇死蜆，而蟹亦都係肉蟹，隻隻腳都好厚肉，未試過係街咁比心機剝蟹😂餐廳食材真係揀得好。食完晒海鮮，就會上之前揀定左火鍋配料。肥牛係手切肥牛所以要等耐少少，另外黑毛豬肉都係肥瘦均衡，睇落都好靚。我見
呢間餐廳唔係任食，$198一位 ，包7種海鮮，6個自選配料，3個時蔬，最後會加粥膽幫你煮粥。佢係按人比份量，如果驚唔夠都可以另外加錢加配料。
不過$198就唔包飲品，亦唔可以自己帶飲品去。
一坐底佢就已經放左個粥水鍋係到喇，之後就拎左一個海鮮塔出黎，店員幫我地放左d 海鮮入去，有個計時器，一夠鐘就可以拎起喇。佢亦都有張指示比你睇住時間，包保唔會熟過頭。
貴妃蚌最快，30秒食得，個湯底係粥水所以完全唔影響海鮮嘅鮮味，食落去勁清甜，一啲都唔腥👍🏻之後就係鮑魚同蝦。鮑魚size 都幾大隻，成隻匙羹咁大，又係3分鐘岩岩好，唔會太硬，好易咬開，咩野都唔洗落都好好食，食得出佢地嘅海鮮係好新鮮。蟹要放最長時間，10分鐘，個粥水湯底就開始變淡橙色，變成海鮮湯。蜆同沙白係一d沙都冇，粒粒都開口冇死蜆，而蟹亦都係肉蟹，隻隻腳都好厚肉，未試過係街咁比心機剝蟹😂餐廳食材真係揀得好。
海鮮類
32 瀏覽
0 讚好
0 留言
食完晒海鮮，就會上之前揀定左火鍋配料。肥牛係手切肥牛所以要等耐少少，另外黑毛豬肉都係肥瘦均衡，睇落都好靚。我見到有花膠即刻點左，之後就叫埋墨魚滑，響鈴。全部點晒有👍🏻推介配料😊
火鍋配料
29 瀏覽
0 讚好
0 留言
一上菜店員就即刻幫我地落左花膠先，話要煮耐少少先會林，影唔到個份量，不過之後我地食極都仲有，應該係比左好多花膠😍肥牛切得好靚，肥瘦比例啱啱好，用清甜海鮮湯煮原來好食過出面打邊爐勁濃味湯底。豬肉切得薄身，快d煮，又唔會老左。墨魚滑亦有小量墨魚粒好有咬口好彈牙。重點d菜吸晒海鮮湯鮮味，超級鮮甜👍🏻
最後打完邊爐店員就幫我地煮粥喇。佢有好多種配菜比你揀，我地就淨係唔落芫荽。個粥膽勁大碗，勁驚食唔晒。
海鮮粥
14 瀏覽
0 讚好
0 留言
我地2個人一人有2碗半，其實太多，不過因為太好食所以都食晒。我聲隔離台係可以帶走。佢將全晚食材嘅精粹都吸晒，好似係用珍珠米做粥膽，加埋菜脯、冬菜、豬油渣，成個粥有口感之餘亦都好鮮甜。重點係我地落左咁多海鮮，一塊碎殻一粒沙都食唔到，好神奇啊😱
最後仲要有粒雪米糍做甜品，真係好滿粥😂
張貼
