牧羊少年咖啡館 (香港單車館)

營業中

休息中

之前去野餐見到牧羊少年關門裝修，最近再去野餐嘅時候發現已經裝修返啦，裝修完之後更加靚更加寬敞高雅，更加有文藝氣息。睇來睇去都係二人套餐最抵食，有小食、意粉、主菜、飲品、甜品。🍲炙燒荷蘭汁豬肉排荷蘭汁奶香味濃，配上軟滑多汁嘅豬肉排，呢碟好快就清晒。🍲生薑味噌三黃雞伴牛油烤椰菜花•日本南瓜風味獨特嘅生薑味噌醬汁烤到雞皮十分香，雞皮都好好味，三黃雞肉汁豐富，連雞胸都好嫩滑。🍲蒜香牛肉碎松露醬雜菇意大利粉碎牛肉份量好多，有菇香，牛肉香，蒜香，每一口都可以伴隨炒香嘅碎牛肉入口，意粉味道立即昇華。🍸冰梨無花果白桃烏龍芝士奶蓋🍸紅桑子乳酸忌廉芝士奶蓋牧羊少年除咗出名的咖啡出之外，其他飲品都好出色，酸酸甜甜，好好飲。🍦Masgen•Dazs 雪糕杯🥧特濃半熟芝士撻甜品必點半熟芝士撻，流心芝士正到暈。單車館呢邊的牧羊少年餐廳好chill，入去已有渡假的悠閑感覺。好食又靚裝修，下次再來。