LAVA (已結業)

星期六夜晚同老公食西班牙菜。Welcome drink飲到橙同菠蘿味，仲有少少酒味，幾清新。西班牙豬, 牛迷你漢堡包兩個漢堡真係好迷你，左邊係牛肉，右邊係豬肉。夾住既材料好特別，有炸豬皮，另外仲有番茄同生菜。雖然好迷你，但舊肉都算厚。馬薩拉炸雞髀仔炸得好香脆，而且雞肉好嫩滑，充滿肉汁，好好食。BB魷魚, 墨魚, 大蜆墨汁燴飯海鮮幾新鮮，魷魚彈牙，大蜆無沙，燴飯濕得黎做到粒粒分明，食落又煙韌，入面仲有煙肉、紅椒、洋蔥。西班牙油炸鬼波, 朱古力雪糕平時churros係長條形狀，呢間整成波波，肉桂味突出，口感軟糯，入面仲有啲朱古力醬，朱古力雪糕都好濃滑。