QUE (新都會廣場)

營業中

休息中

葵芳新都會開咗QUE，淺色日木系裝修令人眼前一亮，環境悠閑舒適，仲設有好多卡位。不時仲會發現有貓公仔匿藏在角落，等你一一發現，環境非常適合打卡，而嘢食都超級吸引，尤其係中午套餐抵食而且選擇繁多。和牛蘇格蘭流心蛋配芥末籽大阪燒汁 蘇格蘭蛋一直係我最喜歡嘅菜式之一，見午餐menu 有呢款真係太開心啦，佢用咗和牛漢堡扒去包住雞蛋炸，外炸內流心，配上芥末籽大阪燒汁同薯蓉，口感豐富有層次。北海道牛油帶子意粉配海苔忌廉汁呢個都係lunch set,跟餐飲、餐湯，大大粒帶子質素好高，加入海苔忌廉汁夠晒creamy,意粉掛汁份量很滿足。味噌三文魚配香煎蟹餅及明太子醬 味噌味正好合適，唔會太鹹，呢個好重要！三文魚肉身但好嫩口，魚皮金黃薄脆，大大粒蟹餅超滿足，底系綿密薯蓉。鰻魚玉子壽司塔可 +軟殼蟹壽司塔可fusion嘢黎，結果壽司與tapas，就係壽司塔可 最鐘意佢酥脆嘅海苔，夾住壽司，鰻魚玉子就軟滑口感充滿蛋香，如果想香脆就食軟殼蟹，非常香口。