台北車站 (已結業)

好耐冇行過將軍澳，今日趁放假去新都城行吓，見到一期有一間叫「台北車站」的火鍋店，火鍋放題晚市90分鐘任飲任食，星期一至四都係每位$128，咁抵梗係試吓啦😊湯底可以揀麻辣烤魚、麻辣雞煲或酸菜魚片，我哋揀咗麻辣雞煲，全部啲雞都好滑，肉質真柔嫩惹味👍今晚食咗好多嘢，包括有打邊爐必有的蔬菜，例如生菜、娃娃菜、金菇、粟米及冬瓜等，又食咗餃子、香腸、魚蛋、墨魚丸及貢丸等，食物都吸收晒湯底嘅精華，食得好滿足😊另外值得一讚的是有很多款式的飲品，我都試咗好多款，包括冬瓜茶、清涼爽及芒果汁等等，一邊食打邊爐的食物，一邊飲冰凍的飲品確係好享受😊這裏還有涼拌熟食，雲耳、蓮藕及青瓜都好味，最後食埋番薯糖水作甜品，兩人埋單都係$256，性價比相當高呢😄