霸嗎拉麵 (已結業)

霸嗎拉麵🍜見到呢間拉麵店好多分店，剛巧有事在寶琳，經過新都城就試下，平日晚上7點入座，人唔算好多。裝修都有心思，仲有座位可以睇師傅煮拉麵，可惜比人坐晒。一入座就即刻有人比杯水我地，職員態度都唔錯。菜單除左拉麵之外，都有唔少小食可以選擇。講番拉麵，呢間拉麵既其中一樣值得讚既地方係可以自行選擇麵既軟硬，也可以選擇走蔥和少油，特別適合怕油既女士們。💃🏻今日點左雞叉燒味玉雞白湯拉麵，雞肉數量都幾多，每塊都夠晒厚同滑。麵果方面個人無特別偏好，所以就選擇左適中，果然恰恰好，有口感之餘唔會太冧。另外麵條也吸收左湯底既精華。溏心蛋同一般拉麵店店既唔同，唔會切開，咬開之後見到蛋黃仲keep到半固體既狀態～朋友點左炙燒豚肉拉麵，試左啖湯底，比雞白湯拉麵果個香濃，好重豬骨味，適合中意重口味的朋友😆。