影片
更多
2021-07-28
5 瀏覽
女朋友中意食乜？就同大部份港女一樣都係中意食日本野囉。不過佢有一個優點，就係佢自己會搵食乜，唔使我擔心。佢最中意發掘新事物，最近仲加入咗好多飲飲食食FB群組，搵左一間叫晴空嘅日本餐廳，訂左食Dinner。我哋行咗一個圈先搵到餐廳，因為係金巴利道同金巴利街嘅分別，大家最好開地圖行，佢其實係正酒店地下，所以餐廳門面都好有氣派。黎到日本餐廳，我多數都會問問師傅店員有乜介紹，因為佢地先知邊D最新鮮最時令。我幾欣賞店員們對菜式嘅認識都幾全面！先食前菜，分別係魚餅豆腐同煎三文魚沙律，兩款都係幾大路嘅小食。價錢只係幾十蚊，近乎同連鎖店同價。煎三文魚幾有驚喜，輕煎後油香爆滿。魚皮同打邊爐果D有得揮，脆脆的。魚餅豆腐似自家制，口感好軟，又帶D魚肉。之後就嗌左兩個汁煮項目，汁煮鰤魚係我食嘅，汁煮拖羅筋係比女朋友，主要係因為佢唔識食骨。我好鍾意食魚鮫，對我黎講有少少肉黐住啲邊位食，比起淨食魚肉更吸引，鰤魚肉質好滑，食食吓令我聯想起蒸魚，不過個汁就緊係好味好多。我食呢味都食到好攰，哈哈，但值得。刺身方面我哋要咗間八魚，魚肉晶凝通透，薄切都有薄切嘅好食。呢種魚嘅味道唔算好濃郁，但反而有一種甘甜清爽嘅感覺，而且口
我哋行咗一個圈先搵到餐廳，因為係金巴利道同金巴利街嘅分別，大家最好開地圖行，佢其實係正酒店地下，所以餐廳門面都好有氣派。黎到日本餐廳，我多數都會問問師傅店員有乜介紹，因為佢地先知邊D最新鮮最時令。我幾欣賞店員們對菜式嘅認識都幾全面！
先食前菜，分別係魚餅豆腐同煎三文魚沙律，兩款都係幾大路嘅小食。價錢只係幾十蚊，近乎同連鎖店同價。煎三文魚幾有驚喜，輕煎後油香爆滿。魚皮同打邊爐果D有得揮，脆脆的。魚餅豆腐似自家制，口感好軟，又帶D魚肉。
之後就嗌左兩個汁煮項目，汁煮鰤魚係我食嘅，汁煮拖羅筋係比女朋友，主要係因為佢唔識食骨。我好鍾意食魚鮫，對我黎講有少少肉黐住啲邊位食，比起淨食魚肉更吸引，鰤魚肉質好滑，食食吓令我聯想起蒸魚，不過個汁就緊係好味好多。我食呢味都食到好攰，哈哈，但值得。
刺身方面我哋要咗間八魚，魚肉晶凝通透，薄切都有薄切嘅好食。呢種魚嘅味道唔算好濃郁，但反而有一種甘甜清爽嘅感覺，而且口感紮實，喺口腔咀嚼完，食到魚嘅回甘味。Btw隻碟好靚。
其實食完上面嘅嘢我冇乜飽嘅感覺，始終都係魚同小食，所以我決定啪番個飯。原本只係諗住填飽個肚，但出到黎又OK喎。炒飯真材實料，有蟹肉有海膽，份量十足，而且難得有鑊氣，喺日本餐廳食到咁嘅質素絕對係bonus。女友亦都話個飯好食，不過佢始終都係中意壽司醋飯多啲，貪佢酸酸地。所以我亦都嗌左兩條手卷試試。手卷一條要八十都唔平，好彩佢對得住個價錢。櫻花蝦同吞拿魚腩好搭調，互相襯托出個鮮味。
我食埋食埋都飽住個肚走人嚕，滿足。埋單每人$400左右其實都合理，質素有返咁上下嘛。店員嘢好好人全程不斷幫我哋斟茶。如果我返工黎開尖沙咀見客，都一定會黎幫襯食個午餐。
張貼
