影片
更多
2021-07-12
695 瀏覽
❀ PABLO Modern Mexican Cocina #尖沙咀 ❀❗️新開張墨西哥餐廳加入東南亞元素 食物好味環境一流❗️——————————————————尖東最近開咗間混合東南亞元素嘅新派墨西哥餐廳，鍾意異國菜嘅我梗係即刻去試😆菜式創新、獨特，讓人耳目一新嘅感覺！除咗常見嘅墨西哥夾餅、捲餅之外，亦有唔少海鮮菜式，仲有素食選擇！餐廳裝修仲好大好靚，概念啟發於藝術家畢加索，有三個風格截然不同嘅餐飲區域，包括輕鬆嘅酒吧區、擺滿油畫嘅藝術餐飲區域、較為年輕摩登嘅區域，另外室內仲有個靚靚打卡鞦韆🥰夜晚嚟特別有氣氛，勁適合同三五知己一齊嘆番杯。.✷𝑀𝑒𝓃𝓊✷☞ Chips and Salsa $78 (3.8/5)以傳統墨西哥玉米片開始，配上經典番茄沙沙醬。.☞ Shrimp Cocktail $138 (4.4/5)有多隻爽口大蝦🍤，底下配上大量清新爽口嘅青瓜、牛油果、芒果、番茄醬等等，味道出乎意料地好食😋！成件事非常開胃，用嚟配墨西哥玉米片一流 推薦一試！.☞ Yellow ceviche with Hamachi $138 (4/5)油甘魚刺身經常都食到，但呢款加入左墨西哥嘅元素👍🏻，
❗️新開張墨西哥餐廳加入東南亞元素 食物好味環境一流❗️
——————————————————
尖東最近開咗間混合東南亞元素嘅新派墨西哥餐廳，鍾意異國菜嘅我梗係即刻去試😆菜式創新、獨特，讓人耳目一新嘅感覺！除咗常見嘅墨西哥夾餅、捲餅之外，亦有唔少海鮮菜式，仲有素食選擇！餐廳裝修仲好大好靚，概念啟發於藝術家畢加索，有三個風格截然不同嘅餐飲區域，包括輕鬆嘅酒吧區、擺滿油畫嘅藝術餐飲區域、較為年輕摩登嘅區域，另外室內仲有個靚靚打卡鞦韆🥰夜晚嚟特別有氣氛，勁適合同三五知己一齊嘆番杯。
.
✷𝑀𝑒𝓃𝓊✷
☞ Chips and Salsa $78 (3.8/5)
以傳統墨西哥玉米片開始，配上經典番茄沙沙醬。
Chips and Salsa
$78
55 瀏覽
0 讚好
0 留言
.
☞ Shrimp Cocktail $138 (4.4/5)
有多隻爽口大蝦🍤，底下配上大量清新爽口嘅青瓜、牛油果、芒果、番茄醬等等，味道出乎意料地好食😋！
成件事非常開胃，用嚟配墨西哥玉米片一流 推薦一試！
Shrimp Cocktail
$138
97 瀏覽
0 讚好
0 留言
.
☞ Yellow ceviche with Hamachi $138 (4/5)
油甘魚刺身經常都食到，但呢款加入左墨西哥嘅元素👍🏻，幾特別。
醬汁運用芒果、檸檬、薑黃、香茅等等香料，甜甜酸酸，唔錯。
另外素食人士都可以選擇佢哋另一版本，係以西瓜代替生魚片，再配上特製嘅紅酸汁。
Yellow ceviche with Hamachi
$138
43 瀏覽
0 讚好
0 留言
.
☞ Queso fundido $168 (4.2/5) with Mexican rice $58 (4/5)
唔好有成三條大大嘅青辣椒，但其實一啲都唔辣，反而仲幾香口！
但最吸引我一定係底下大量嘅熔岩芝士🧀，超級好味😋！同平時韓式燒烤嘅芝士唔同，唔單單淨係有拉絲嘅效果，而係有好重好香嘅芝士味，就咁食都唔會太膩，不過亦可以配上佢哋新鮮製作熱辣辣嘅taco/ 墨西哥風味蕃茄炒飯。
只係個人稍為略嫌taco本身嘅味道同口感唔係我自己最喜歡，偏向重玉米粉味，硬身少少🤏，似係冇炸嘅nachos，唔係我比較喜愛嘅薄身微煙韌口感。
Queso fundido
$168
122 瀏覽
0 讚好
0 留言
.
☞ Baked Red snapper A La Veracruzana $228 (4.4/5)
呢一道烤魚充滿驚喜😆！
通常都會覺得外國餐廳喺處理原條魚方面冇中國咁出色，但呢個顛覆咗我一向嘅想法！
條魚烤得好好，外皮微脆，肉質依然細嫩，一啲都唔乾鞋。
配上酸酸甜甜嘅Veracruzana蕃茄汁，極之好味😋，推薦！
Baked Red snapper A La Veracruzana
$228
23 瀏覽
0 讚好
0 留言
Baked Red snapper A La Veracruzana
$228
61 瀏覽
0 讚好
0 留言
.
☞ Grilled Pork Tacos $108/ 3pc (4/5)
嚟到墨西哥餐廳又點可以唔食taco。
手撕豬肉夾餅係較常見嘅配搭，但餐廳特別地加入東南亞元素。
用上豬頸肉製作，烤到表皮香脆😋，肉質多汁。
再配上烤菠蘿、紫椰菜香草沙律，加埋薄荷、羅勒、青檸葉等泰國香料，唔錯。
另外佢哋仲提供六種唔同嘅辣椒醬選擇，由微辣至最辣，可以視乎個人喜好再加🤟🏻。
唯獨係taco皮有同樣嘅問題，都係偏向硬身啲、重玉米粉味，純粹係個人冇咁喜歡。
Grilled Pork Tacos
$108
60 瀏覽
0 讚好
0 留言
.
☞ Churros (4/5)
甜品當然唔少得經典churros。
非常香脆，表面有適量嘅肉桂糖，配上朱古力醬，邪惡嘅配搭又點會唔好味😹。
Churros
$58
74 瀏覽
0 讚好
0 留言
.
☞ Drinks
另外佢哋仲有超多唔同種類嘅酒類、cocktails、mocktails選擇🥂。
當中更有煙燻款式，充滿視覺效果，打卡影相一流！
當日揀咗杯lemongrass mint margarita $128都唔錯，最後店員仲送咗我哋每人一杯香檳添🤣。
——————————————————
✨整體味道: 4.3/5
✨環境裝修: 4.5/5
✨服務態度: 4/5
✨性價比: 4/5
✨再訪興趣: 4/5
.
💞整體來講
雖然剛開張冇耐，但質素真係唔錯！有多種唔同嘅墨西哥食品選擇，而且加入東南亞twist，味道更為創新獨特得來又更適合港人口味😻而且環境又大又靚，仲有個打卡鞦韆，加上種類豐富嘅打卡cocktails，非常適合三五知己放工慶祝食飯👍🏻！
張貼
