金龍冰室 (已結業)

今日咁啱喺大圍呢頭收工 經過見到新開嘅呢間餐廳 成間餐廳都用淺藍色做主調 幾新鮮😮今日遲咗食lunch 成兩點鐘先食😿 但依然見到餐廳有好多人 好好生意咁 侍應服務好好 見到佢地對個個客人都笑住講 請慢用 幾窩心☺️我同同事叫咗一個飯餐同一個下午茶餐😋龍蝦汁流心奄列魚柳飯 好少見餐廳有龍蝦汁配飯 決定試試佢😛 結果都幾夾喎 流心奄列裡面有茄醬 本身以為佢係就咁一塊炒蛋 幾有驚喜 魚柳都好熱辣辣 新鮮炸好咁👍🏻下午茶餐可以係英文字母同數字各揀一項 我地揀咗芝士煙肉焗薯蓉配炸雞髀 個芝士好濃郁🧀 配薯蓉好夾 佢入面仲加咗煙肉 煙肉幾有咬口 食落幾有層次 炸髀幾juicy 雞肉炸到啱啱好 唔會好韌🍗總括嚟講 餐廳樣樣都即叫即做 所以好熱辣辣 值得一讚🤤 個人覺得下午茶餐可以自由配搭好正🙊