粥地海鮮粥底火鍋

營業中

休息中

已經嚟過呢度食第三次！水準依然保持到。首先會先食藥膳雞煲， 啲雞超滑，雖然有啲肥。食完雞就會食海鮮，海鮮都係好新鮮，送上嚟嘅時候好多都仲郁緊。今次嘅鮑魚同埋聖子都唔錯，非常鮮甜。之後就會想其餘五款火鍋料，嗌咗牛肉同豚肉，加啲蔬菜。火鍋質素都唔錯，份量唔係好多但兩個人絕對夠食。另外呢到服務態度幾好，第一次嚟食嘅話職員會為你介紹點樣食最推薦。最後啲海鮮再加埋其他火鍋料最後煲出嚟個粥勁好食！超級鮮甜又唔會太鹹位置有啲唔顯眼，如果唔係應該更加多人認識到呢間店舖！不過好驚到時多人又好多人排隊不過坐嘅位置狹窄咗少少，但呢間店舖絕對值得一試！