鋿晶館 (上水匯)

營業中

休息中

鋿晶館嘅小炒好出名，我一直都好想嚟試吓木瓜燉雪耳湯呢個湯真係不得了！燉得好夠火候，木瓜嘅清甜完全融入湯裡面，雪耳又夠曬軟糯，飲落去滋潤又舒服，個人超喜歡！-之後就係沙律醬炒蝦球，呢個餸一上枱就已經聞到好香！蝦球金黃大隻，再加上沙律醬，味道啱啱好，唔會太膩。蝦球嘅size都好大隻，咬落去彈牙爽口。-龍躉籠仔蒸飯（炒飯底），呢個飯真係超讚！用籠仔蒸飯本身就已經好有特色，底層鋪咗香噴噴嘅炒飯，上面再放上新鮮嘅龍躉，蒸出嚟嘅飯吸收咗龍躉嘅鮮味，每一啖都充滿驚喜！龍躉肉質鮮嫩，入口即化，配埋香口嘅炒飯底一齊食，有水準！