NINETYs (K11購物藝術館)

營業中

休息中

鐘意黎Ninety’s係因為坐得夠舒服，環境又幾唔錯，可以同朋友chill下，如晏就黎到仲可以歎杯咖啡。但今次係夜晚黎到，為免訓唔著，所以主要叫主食。叫左個香蝦叻沙意粉。呢款意粉比較粗身，口感食落偏似烏冬，係有咬口D。叻沙汁原來同意粉都幾夾，幾特別，配料有蝦，豆卜。蝦都幾彈牙! 面上仲有D香菜，加重香味，感覺好Fushion。 Tuna tartare 配左酸種面包，面包帶有淡淡既酸味，他他醬入面都好多吞拿魚粒，個汁幾開胃，因為有面包咁配，食落都幾飽架。燉和牛臉頰肉好有驚喜!首先係佢個薯蓉，好綿滑，好香牛油味，食到勁想encore!! 和牛臉頰肉好軟淋，基本上唔洗點咬就吞到，配埋呢個薯蓉好match! 側邊仲有D沙律菜同埋青提子，可以中和一下肉的膩感，食落幾fresh。