恆香老餅家 (已搬遷) 新店位置

從前, 入元朗, 是一件山長水遠既事, 坐車入, 唔暈車浪已經算是好好彩. 入親黎元朗, 當然要買手信啦. 元朗既手信, 除了滔哥既臘腸同月餅之外. 最受世人歡迎的, 就是恆香的老婆餅. 小時侯, 臘腸月餅不會時常買, 但老婆餅, 皮蛋酥, 就必定有一盒拿著, 登上回程的巴士. 肉是日, 食過早餐, 準備過對面馬路搭車前, 突然心血來潮, 整了一盒拿過關, 請同事食. 早上買, 新新鮮鮮, 拿過關回到公司依然是熱熱的. 可能是新鮮出爐同埋即食既關係, 本來好怕面頭層皮碎洒滿地, 這次食, 皮是酥, 但碎得不緊要, 而且是軟綿綿的, 沒有硬塊, 味道甜美. 恆香, 的確可以齋賣老婆餅, 皮蛋酥發達, 只因其他餅店出品, 榮華, 奇華 等等老餅店, 都不及恆香.香香的老婆餅, 回家前也忍不住買多一盒, 可是在店擺耐了, 質素不及早上的好.