東京街日本料理 (馬頭角道)

營業中

休息中

🔸東京街🔸開咗一段時間都未試過, 見成日都好多人等外賣, 而且仲要係💛店, 所以今日就買外賣試吓。壽司, 剌身同小食嘅款式都好多, 好容易就揀到自己鍾意食嘅嘢。🍣 自選壽司 (海膽魷魚, 火灸三文魚, 腐皮, 三文魚腩, 大赤蝦, 油甘魚腩, 珍寶帶子, 拖羅, 炸天婦羅蝦, 軟殼蟹卷)壽司好新鮮, 上面嘅魚生都好厚身, 值得一提嘅係拖羅, 眼望落去似赤身, 本身有少少失望, 不過食落口係中拖嘅感覺。而天婦羅蝦炸得好酥脆, 蝦嘅 size 亦令人好滿足。🦪 活赤貝剌身好新鮮, 脹卜卜, 鮮甜爽口。🍥 辣味螺肉小食醬汁太多, 所以每一啖都有少少鹹。🥢 章魚丸呢個章魚小丸子好喜出望外呀, 整得外脆內軟, 拍得住出面嘅章魚小丸子專門店。整體食物都幾好, 係值得再食嘅一間餐廳。