煲煲店 (已搬遷) 新店位置

去睇演唱會當然別去紅磡food court食嘢，走咗一個圈，最後揀咗呢間煲仔飯，因為我鍾意即叫即整。我就帶咗一個最普通嘅鹹魚肉餅煲仔飯，佢會送埋一碗湯同埋一碟菜，真係好抵食。叫完之後，要等大約10至15分鐘先有得食。一開始就飲下碗湯，普通中湯，唔算重味精，所以我都飲晒成碗。到主菜啦，一開始好熱，熱到整親個咀，肉餅好鬆軟，但有少少偏鹹，再加埋鹹魚仲鹹，因為偏鹹緣故，所以佢比我嘅豉油我都只係落得好少，整體來講如果唔係咁鹹其實都幾好食，下次我都會再試吓其他唔同餸嘅煲仔飯。