至尊燒 (已結業)

上個星期行經旺角，見到開左間新串燒店喎，咪試下囉..入面舖仔細細，但可選擇嘅嘢食都唔少！娃娃菜好好味！燒茄子，原來係呢度嘅招牌菜，果然名不虛傳！燒丸不過不失啦，不過感覺唔會好味精！燒魷魚！正！唔會有陣so味，又唔會太乾又硬，我地臨走仲order多個上車食！最後，燒香蕉，我第一次，其實本身麻麻地食香蕉，但呢個燒香蕉燒到林林地，熱熱地，好好味！必試！！總結黎講我下次都會再幫襯，老闆都幾nice，會走埋黎問我地岩唔岩食，當然仲有進步嘅空間啦！同埋我中意呢度啲嘢食冇咩味精，食完都唔會口乾，同埋啲材料都算新鮮！另外友人大讚自家制羅漢果茶好足料，邊食燒烤又可冇咁熱氣，大家可以一試！