有蒸氣 海鮮石鍋專門店 (已結業)

今日又去咗尖沙咀覓食見天氣涼涼地想食下蒸氣海鮮最後就去咗試呢間係天文臺道嘅有蒸氣呢間餐廳環境幾舒服揀咗食有蒸氣石鍋海鮮餐可以揀粥底或者湯底食蒸氣火鍋最鍾意就係食佢嘅粥底所以今次就揀咗乾瑤柱粥底沙巴蜆好大粒估唔到食落好鮮甜仲完全沙大連鮑魚面頭有啲蟲草花一齊蒸竹串海中蝦都好大隻好厚肉又新鮮日本元貝好厚肉除咗蒜蓉仲有啲辣椒食落辣辣地咁美國桶蠔好肥美  食落好creamy蒸完更加食到蠔嘅鮮甜豬肉丸及墨魚丸兩款丸都係手剁 好彈牙薑蔥蒸鮮魷啲魷魚好有咬口金銀蒜蒸勝瓜 勝瓜好清甜蒜蓉味好香個粥底真係好好食好綿滑有齊曬所有海鮮嘅精華最後仲有一碗滋潤嘅木瓜雪耳糖水同埋呢度嘅staff都好nice服務非常之好又有笑容