咪走雞 (已結業)

今晚收工和朋友來到葵興KCC 新開商場8樓食飯，環境都好舒適，一層有幾間食店，每間食店裝潢都好分明，大都放置10幾張枱。這樣設計都可以話創新，可提供新口味給顧客選擇。我地選了價錢大眾化嘅咪走雞餐廳食飯，都是一個主菜跟飯和例湯或飲品。我們選了招牌菜咪走雞飯餐和咖哩牛坑腩煲跟飯例湯。再加上涼拌雲耳，上湯浸時菜，都係約250元就食到豐富晚餐。先講吓個咪走雞是放於砵仔上，是原砵加熱，所以上菜時還熱騰騰的。秘製醬汁領雞肉特別入味，入口已經品嚐到鮮雞味道，肉質嫩滑。怪不得是招牌菜。我見到有好多人都點了來吃。咖哩牛坑腩煲都係一個必吃菜色，咖哩味道剛好，不會太濃郁，沒有蓋住牛腩嘅味道，牛坑腩好嫩滑，入口溶化。咖哩汁配白飯一流，平時不愛吃飯嘅我，都吃光了。涼拌雲耳是菜前小吃，雲耳爽口，配上秘汁，吃後增加食慾不小。上湯浸時菜，新鮮菜芯，配上鮮甜清湯，領菜芯更加鮮嫩，好吃。例湯是用真材實料煲的，好似呀媽煲一樣，好飲！