亞金南洋茶室 (黃大仙中心南館)

營業中

休息中

幾乎每個星期都會同啲同事幫襯，食開都覺得OK，今日轉左Menu，好食嘅食物唔見晒（例如海南雞滲滲），取而代之都係啲好難食嘅食物！豬頸肉冬陰功米線$62啲豬頸肉唔熟嘅，有幾嚿咬唔開，重點d肉係冇味嘅。然後冬陰功湯底係冇冬陰功味，一味得酸味，一啲冬陰功嘅味道都冇，徹底就係劣食。亞金無骨海南雞配南洋蕃茄米粉$68海南雞同平時一樣水平，正常發揮，但係呢個湯底真係出事，好淡的，蕃茄味一啲都唔濃郁，強烈建議轉返之前嗰個喇沙湯底，如果唔係咁樣嘅組合真係食唔落。泰式香葉辣肉碎煎蛋飯$58成碟野好乾，都係唔好食。招牌海南雞油飯+大蝦喇沙+黑白配$75呢個係新出嘅套餐睇落好豐富，海南雞飯一碗上面得三舊雞，分量比較少。大蝦喇沙味道都可以，但係黑白配啲碗糖水真係唔多掂，啲紅豆好硬。整體來講，食物質素嚴重下降，新Menu真係好鬼差，希望睇到呢個comment之後會有所改善，仲係呢個Menu嘅話我諗就唔會再食了。另外員工態度都好好，同佢反映咗食物嘅味道，佢哋都有認真回應，不過Menu嘅嘢佢哋應該話唔到事。