Rice Paper (已結業)

有探子向我回報, 話Rice Paper有新menu, 重有"多多料撈檬",即係自己DIY撈檬",於是撈檬怪又出動,閒日6:30來到, 8:15要交檯,人客唔算多, 重可以有窗口位,望住個鹹蛋黃落山,幾舒服,今餐點了:多多料撈檬:可以自選其中一種食物配檬粉,我點了春卷, 有6小件, 一上檯有4大碗,包括生菜,紅蘿蔔絲,春卷,香葉(薄荷葉)等等, 和4小碗配料,蒜蓉,紅椒,魚露,青檸汁,花生碎,乾荵,俾你自己按個人喜好自己撈,真係好食又好玩,我全部都落晒,酸度可以多少少,因為我比較愛酸,春卷都好脆口,配撈檬食都幾好!清新嫩雞蕉蕾沙律:由雞絲,蕉蕾, 英文是banana flower,想是香蕉的花蕾,切片,加紅蘿蔔片,紅菜頭片而成的沙律,唔單止擺設得好搶眼,重好清新,惹味和開胃!牛油雞翼(6件):新鮮熱辣,好脆,牛油味唔濃,合我口味,趁熱食,忘記影相香鴨茄子黃疆飯:雖然黃疆飯份量唔算多,但鴨肉好厚下,重有隻髀,飯的香料唔算多,茄子是細細混入飯內,啖啖肉同飯,都幾飽! 味道幾好,擺設得都好靚!飲品:選了特飲-Sunrise,買1送1, 石榴,strawberry 等混合,味道無邊種特別搶,但