錦麗 (形點 II)

營業中

休息中

今日路過Yoho行去西鐵站嘅路上見到呢間越南野寫住自己係越南一間得獎餐廳😆好似好威喎！而且見到早餐又唔貴，所以呢就入去試吓啦🤤早餐選擇都算多，最平嘅只係$30！我就揀咗最平嘅1號餐金不換辣椒肉碎湯濛試吓啦☺仲另外加咗$9要牛角包加金不換炒蛋。湯濛嚟到嘅時候其實有少少失望😵湯底嘅顏色好似好淺色唔濃郁咁，但係估唔到食落係濃郁得黎又有層次！牛骨湯非常之濃郁加上少許辣辣地嘅辣椒令到個湯好豐富🤤辣椒炒肉碎就唔算多，但扎肉絲就俾咗大量😶另外呢度嘅檬粉感覺有啲似米粉質感好奇妙哈哈。另外加$9嘅牛角包都好鬆脆！金不換炒蛋比起牛乳炒蛋更正😁軟滑得黎又有東南亞風味！最後埋單$42😆