旅鍋火鍋私房菜專門店 (已結業)

尖沙咀 旅鍋火鍋私房菜專門店，食店坐位闊落，皮革坐椅坐得好舒適，牆壁一邊富歐美壁畫，一邊日式風情，真係好想即刻去下旅行🤗🤗。食店仲有兩間廂房，約埋一班朋友卜坐廂房，自成一角，又有私隱度。先黎一支可口可樂，火鍋必備飲料😆。Order左鴛鴦湯底，朋友無辣不歡，麻辣火鍋走唔甩，湯底濃杰惹味，一上枱滾起，陣陣麻香飄起，真係就開始流口水😂；而我就鍾意皮蛋芫荽馬蹄湯，皮蛋黃非常流心黏滑，馬蹄清甜，感覺非常下火🤗。🥢手切牛頸脊，去邊食火鍋都係必點，牛肉味濃，又有咬口，油花部分，越𡁻越香。🥢白鱔片，放入湯底淥幾下，立時卷曲，入口爽夾彈，非常鮮美。🥢蜂巢豆腐，吸汁殺手，呢個一定要放麻辣吸汁，入口晒爆汁。🥢黑松露墨魚丸，外型精緻，成個冬甩咁😆，入口松露味先聲奪人，口感爽彈，正👍🏻。🥢手打蝦籽鮮蝦滑，鮮蝦滑躺在大大支木棒上，面層鋪滿蝦籽，入口滿滿鮮香。🥢手工炸魚皮，呢個都係火鍋必點，係熱湯上面淥幾下，入口保持脆身，但又吸倒湯汁，非常惹味。