六十六十火鍋 (已結業)

去Fd屋企玩，唔想去街市同人迫買材料所以叫外賣。用外賣app叫，見佢Open rice好評咁多，一定唔會差得去邊。點知🚁🚁🚁伏到pk.4個女仔，叫左一個椰子海南雞海鮮火鍋套餐，2個超值火鍋套餐，三個都係一人套餐，佢嘅一人套餐材料真係好少，份量少到有啲離譜。仲有唔同嘅肉都放埋同一個食物盒裏面，超唔衛生，同埋核突。之後我地自己夾手夾腳將佢地分開放放。枱面上圈住係我朋友自己食材，仲有一大袋餃子，如果冇呢啲真係唔飽。食材方面：竟然五餐肉有怪味，其他食材都好一般。海鮮較為好，啲貝殼類無沙。真心唔知點解咁多好評，唔會再幫襯。