緬甸招牌湯米線 (已結業)

見到公司附近開咗間新米線，咁啱之前有見到啲報道好似好吸引，一心諗住去試新野，點知中咗伏！鋪頭只係一間小店入面只有幾張枱，推門入鋪頭爭啲撞到其他食客。叫左個招牌魚湯米線，米線無跟餐飲，要另外單點，當時侍應話只係得奶茶，咁我又見到食米線冇嘢飲好似好齋咁就求其叫咗杯15蚊嘅凍奶茶。杯凍奶茶黎到簡直嚇死人，用個家用飲水杯，加支飲筒，見到已經好伏，點知飲落去淡而無味，仲飲到暖暖地嘅感覺，點叫做凍奶茶？米線味道仲可以接受，不過得個湯底有味，其他配菜完全無味！最後埋單米線$48+所謂嘅凍奶茶$15，盛惠$63個大洋。最後仲要去埋隔離買杯珍珠奶茶。呢個咁嘅價錢食到譚仔同埋雲貴香有突。完全感覺到網上啲評價係打手做出黎嘅！