八方台式麵屋 (杏花新城)

營業中

休息中

兩個禮拜前試過一次堂食，環境好逼，餐具又污糟。當時食滷肉飯，但係d滷肉俾得超級少。今次決定俾多次機會佢，試下嗌外賣，單叫一個麻醬椒香乾拌麵。一打開碗麵，見隻色已經覺得唔係好對路，食落果然一d辣味都無，根本就係普通麻醬麵，仲要麻醬麵嘅價錢係平過椒香拌麵。d麵攞到翻屋企，凍咗少少變咗一坨我唔怪佢，點知食落d麵都係一團粉。入面仲有兩條菜，半隻蛋。點解咁都可以收成三十幾蚊一個麵。今次食完都真係唔會再有下次。