影片
更多
2022-10-05
3353 瀏覽
港式Bbq入面良心店舖真係好小，所以特登簡呢間，諗住同個fd 慶生，最好係有埋免費泊車。佢間鋪有唔同bbq類型，港式燒烤，流水蝦，等等。我地最後揀咗港式燒烤一開始其實都ok, 都好滿意佢張bbq枱，因為可以中間燒嘢食，則邊可以放餐具。係d櫈可能因為早1日落咗雨，所以10張入面，有8張都係濕嘅，自己抹咗佢都ok。餐具基本上都有提供燒烤網可以到時買,40蚊1塊，仲會俾埋一個夾，但係個夾好短，一路係燒烤爐上面將d嘢食反面，係會辣手，順便燒埋隻手。之後落大雨，其實有個帳幕，但係其實唔夠大，同埋有撇雨，所以一路燒，一路移位。D嘢食種類都算ok,雞翼幾好食，不過如果大家想食菜，佢地有粟米，娃娃菜，茄子等等，不過娃娃菜無錫紙兜，我都真係唔知點燒，如果想食金菇，就要自備錫紙，or同佢地買，每一盒個份量都唔多，買唔買就自己決定喇。跟住去toilet，個toilet入面無水沖厠，厠板又爛，結果大家要自己「不」水，成個厠所又濕又熱又臭，真係衰過公厠。跟住唔知點解，港式燒烤係無風機，風扇，乜都無，而另一種形式，一係有冷氣，一係有風機。雖然bbq本身都遇咗係熱，不過無諗過咁煙霧彌漫，又焗，又燻，又熱，結果隻眼勁
佢間鋪有唔同bbq類型，港式燒烤，流水蝦，等等。我地最後揀咗港式燒烤
一開始其實都ok, 都好滿意佢張bbq枱，因為可以中間燒嘢食，則邊可以放餐具。係d櫈可能因為早1日落咗雨，所以10張入面，有8張都係濕嘅，自己抹咗佢都ok。餐具基本上都有提供燒烤網可以到時買,40蚊1塊，仲會俾埋一個夾，但係個夾好短，一路係燒烤爐上面將d嘢食反面，係會辣手，順便燒埋隻手。
之後落大雨，其實有個帳幕，但係其實唔夠大，同埋有撇雨，所以一路燒，一路移位。
D嘢食種類都算ok,雞翼幾好食，不過如果大家想食菜，佢地有粟米，娃娃菜，茄子等等，不過娃娃菜無錫紙兜，我都真係唔知點燒，如果想食金菇，就要自備錫紙，or同佢地買，每一盒個份量都唔多，買唔買就自己決定喇。
跟住去toilet，個toilet入面無水沖厠，厠板又爛，結果大家要自己「不」水，成個厠所又濕又熱又臭，真係衰過公厠。
跟住唔知點解，港式燒烤係無風機，風扇，乜都無，而另一種形式，一係有冷氣，一係有風機。雖然bbq本身都遇咗係熱，不過無諗過咁煙霧彌漫，又焗，又燻，又熱，結果隻眼勁唔舒服！其中最大一個原因係我地坐近燒流水蝦個邊，佢地一路燒，超大油煙，然後佢地又有風機，一下就吹曬過嚟。 結果我地全部人係咪俾d煙攻到流眼水，要到燒流水蝦d人走咗先叫好d。如果大家真係去b,強烈建議大家簡攞嘢食個邊d枱，入面都係港式燒烤，不過有風扇同埋有瓦遮頭，成個感覺應該會差好遠，不過位置唔多，同埋比較近厠所。
另外，如果大家去都建議可以join佢地member, 有一張迎新coupon, 10蚊，可以用嚟買嘢飲or菜個d, 仲可以儲分換金菇或者其他嘢食。
佢d嘢飲以燒烤場嚟講，個價錢都ok，好似係13蚊1枝嘢飲，水同罐裝飲品就8蚊。入場每一個人會送一枝水，同一張8蚊換嘢飲卷，可換水or罐裝飲品，都可以補錢換其他嘢飲。另外，佢岀面都有得買酒飲，就2x蚊支，價錢都ok。
雖然係良心店，不過如果入面d通風無改善，我地應該唔會再去。
張貼
