影片
更多
2009-03-04
371 瀏覽
好耐之前0係度買過菠蘿包做早餐覺得麻麻0地 (http://www.openrice.com/restaurant/commentdetail.htm?commentid=1892125), 今次試試堂飲奶茶 ($11) 及堂食一個沙爹牛肉包 ($14).先0黎熱奶茶, 茶味頗出, 不過質地太稀, 又太少奶, 飲落完全唔滑, 太「削」了.沙爹牛肉包係 off menu 食物, 要阿姐 confirm 有先叫得, 而既然呢度係有自家出品麵包的茶記, 有得供應其實都唔出奇, 不過一定唔代表做得好 -- 餐包微甜, 微微微微暖, 但帶點實, 內唔鬆軟, 外又唔鬆脆, 質地似用微波爐叮過; 牛肉稍韌, 沙爹汁就完全唔香, 味道死鹹, 仲要好稀; 阿姐又唔俾隻叉, 搞到一路食一路滴到周圍係, 食了一半 d 汁已漏得七七八八, 今次真係百分百「無叉用」!呢度係舊式的兩層茶記格局, 衛生一般, 不過坐了「樓上雅座」, 係比樓下靜及舒服的.放低 $25 離開, 後會無期!
先0黎熱奶茶, 茶味頗出, 不過質地太稀, 又太少奶, 飲落完全唔滑, 太「削」了.
沙爹牛肉包係 off menu 食物, 要阿姐 confirm 有先叫得, 而既然呢度係有自家出品麵包的茶記, 有得供應其實都唔出奇, 不過一定唔代表做得好 -- 餐包微甜, 微微微微暖, 但帶點實, 內唔鬆軟, 外又唔鬆脆, 質地似用微波爐叮過; 牛肉稍韌, 沙爹汁就完全唔香, 味道死鹹, 仲要好稀; 阿姐又唔俾隻叉, 搞到一路食一路滴到周圍係, 食了一半 d 汁已漏得七七八八, 今次真係百分百「無叉用」!
呢度係舊式的兩層茶記格局, 衛生一般, 不過坐了「樓上雅座」, 係比樓下靜及舒服的.
放低 $25 離開, 後會無期!
張貼
