影片
更多
2013-09-04
68 瀏覽
某日放工後,冇人約的我漫步回家途中,記起多次經過(對面街)但從未光顧的拉麵店, 掙扎好一回兒,決定給此店一個機會.店舖面積只屬中小型, 有一長型開放式煮麵位連吧臺,正合單人食客.每個座位上已放好餐牌及點餐紙,配料可另加,麵身粗幼可揀,清清楚楚.我心中只有一個慾望,就是要多叉燒(因當日的午餐太爛了),叉燒拉麵有3片,不作他想!再加1隻溫泉蛋,that's it!約5分鐘的等候時間, 大大碗香噴噴的拉麵送了,3片叉燒邊微微焦,比一般日式叉燒薄身,亦冇明顯的肥/瘦肉,但入口軟諗,好食!配菜有椰菜絲,日本蔥花及炸洋蔥碎,椰菜絲只是用滾水烚, 未有爆香,日本蔥亦是,香味稍遜.記得數年前於日本九洲旅遊時,誤打誤撞走進橫街內的一拉麵小店,拉麵司傳一手一腳地炸蔥煮麵,那香味至今難忘!一碗麵有幾高質素, 還看每一步花多少心機.by the way,隻溫泉蛋如何? 原隻蛋一開二,半凝固的深黃色o者o里狀蛋黃蛋味濃,帶些少甜,正! $12一整隻日本蛋值得俾.最後講講個湯,棕啡色的,醬油味重於骨味,鹹左些少, 油份偏多,要扣少少分.總評是:可以再去. 另一新張知名的一X拉麵仍未去潮聖,昨晚剛好路過以為排隊熱潮
店舖面積只屬中小型, 有一長型開放式煮麵位連吧臺,正合單人食客.每個座位上已放好餐牌及點餐紙,配料可另加,麵身粗幼可揀,清清楚楚.我心中只有一個慾望,就是要多叉燒(因當日的午餐太爛了),叉燒拉麵有3片,不作他想!再加1隻溫泉蛋,that's it!
約5分鐘的等候時間, 大大碗香噴噴的拉麵送了,3片叉燒邊微微焦,比一般日式叉燒薄身,亦冇明顯的肥/瘦肉,但入口軟諗,好食!配菜有椰菜絲,日本蔥花及炸洋蔥碎,椰菜絲只是用滾水烚, 未有爆香,日本蔥亦是,香味稍遜.記得數年前於日本九洲旅遊時,誤打誤撞走進橫街內的一拉麵小店,拉麵司傳一手一腳地炸蔥煮麵,那香味至今難忘!一碗麵有幾高質素, 還看每一步花多少心機.by the way,隻溫泉蛋如何? 原隻蛋一開二,半凝固的深黃色o者o里狀蛋黃蛋味濃,帶些少甜,正! $12一整隻日本蛋值得俾.最後講講個湯,棕啡色的,醬油味重於骨味,鹹左些少, 油份偏多,要扣少少分.
總評是:可以再去.
另一新張知名的一X拉麵仍未去潮聖,昨晚剛好路過以為排隊熱潮已退,本想一試,原來條隊斷開了, 仍有廿人以上於2個舖位後輪候中.......唉,唔去住了,本小姐冇耐性呢~
題外話/補充資料：
當日坐吧臺另一端有兩位是日本客,比我早走,我偷瞄到他們兩個碗都食得非常乾淨:)
(以上食評乃用戶個人意見 , 並不代表OpenRice之觀點。)
張貼
