一樂小鍋 (已結業)

咁啱離開呢頭做嘢，所以就順手喺石門呢度食埋飯先走啦！由於時間有限，所以我快快脆就揀咗間車仔麵嚟食，點知都幾有驚喜😌我睇中佢呢度係用唔落味精嘅豬骨湯底，比較健康💪🏻而且麵類方面，除咗一般嘅米粉河粉之外，呢度仲有菠菜麵、紅菜頭麵等等，啱晒我呢啲成日想試新野嘅人今次我揀咗滷水牛脷、五香牛腩、同埋韭菜蒸餃三個餸，另外仲配咗紅菜頭麵！咁大個女第一次食紅菜頭麵，麵質煙韌，而且食起嚟有一陣陣既紅菜頭味，幾特別😎牛腩同牛脷都非常之入味，韭菜餃餡料新鮮，而且仲即叫即蒸，所以會比碗麵遲嚟少少！但整體味道唔錯另外加$3仲可以有一杯熱豆漿，成餐飯買單唔洗$50，都幾抵食😎下次會再嚟過！