NN Coffee

營業中

休息中

去西貢經過呢間Cafe，見網上面咁多正評，所以試吓。因為假期好多人食，所以要上2樓，環境算係舒服。我地叫左出名既明太子龍蝦意粉，照燒雞腿飯團同埋鮮奶抹茶。明太子汁意粉味道都幾入味，意粉都幾彈牙，但係期待中嘅龍蝦連少少龍蝦味都冇，完全無味，好似白烚咁，只係有啲彈牙既肉，浪費左咁大舊龍蝦肉。照燒雞腿味道可以，但乾爭爭，好難咬，飯團正常。鮮奶抹茶好飲，重奶味。食物同賣相出入太大，性價比低，下次唔會再試，淨係飲嘢都OK嘅。