影片
更多
2020-06-23
658 瀏覽
終於肯爬起身出街食早餐，原來已經黃昏六點。邊個話無人出街食飯？家嫂全場爆滿！好采已訂檯啫。邊個話限聚最多 8 位一檯？數來數去對面 14 位一張檯開餐，就算小童計半個都超額！因武漢肺炎關係，早前到訪冷清清全晚只得兩檯，武肺前晚晚爆場到收檔想食都食唔到。發現內籠有叮噹坐蓮壁畫，仲有提字添喎，另一邊有部播 USB 既流星機，搞笑搞笑。檯面食具掛到藝術品一樣，似曾相識。抵食高質優良大大件！只需人頭 $320 蚊套餐離晒譜，依個價錢點做呢？海鮮任砌、小食任砌、雞煲任砌、火鍋料都係任砌！剩係小食都 8 款，再刺身拼盤，再大蝦雞煲，三四吋大蝦每人一隻，食完雞再轉燉湯打邊爐！胡椒魚肚蝦乾大地魚湯，海鮮拼盤隻蟹都成斤重。繼續雪花肥牛、手打丸、魚皮響鈴、雜丸、雜菜盤，全部任君添加，魚蝦蟹都係，最尾仲有芝士蛋糕，埋單再送包珍珠米帶走！第二次挑戰都係失敗，食剩好多呢！小食、刺身、大蝦雞煲、海鮮、肥牛、手打丸、餃吞、雜菜、烏冬，退回炸魚皮及響鈴。菜甫魚仔花生，合格還可以，如果係小老闆麻辣味就更美妙。枝豆，烚的嗎？濕濕淋淋的，朋友稱有怪味，應該係層皮既青味。要白鑊加鹽乾焗才可以保存營養，保持爽甜，錯晒。鹽燒三文
抵食高質優良大大件！只需人頭 $320 蚊套餐離晒譜，依個價錢點做呢？海鮮任砌、小食任砌、雞煲任砌、火鍋料都係任砌！剩係小食都 8 款，再刺身拼盤，再大蝦雞煲，三四吋大蝦每人一隻，食完雞再轉燉湯打邊爐！
胡椒魚肚蝦乾大地魚湯，海鮮拼盤隻蟹都成斤重。繼續雪花肥牛、手打丸、魚皮響鈴、雜丸、雜菜盤，全部任君添加，魚蝦蟹都係，最尾仲有芝士蛋糕，埋單再送包珍珠米帶走！第二次挑戰都係失敗，食剩好多呢！小食、刺身、大蝦雞煲、海鮮、肥牛、手打丸、餃吞、雜菜、烏冬，退回炸魚皮及響鈴。
菜甫魚仔花生，合格還可以，如果係小老闆麻辣味就更美妙。枝豆，烚的嗎？濕濕淋淋的，朋友稱有怪味，應該係層皮既青味。要白鑊加鹽乾焗才可以保存營養，保持爽甜，錯晒。鹽燒三文魚骨，何解叫鹽燒？前後左右上上下下都係炸三文魚骨。暖暖地骨杉杉，不喜歡。
蜜餞炸雞翼，單骨雞翼每位一條。乾爭爭炸雞翼撈蜜糖洒上芝麻，試一次便夠。咸菜豬肚湯，只有單調咸菜味的湯汁，豬肚半粉半韌。胡麻醬牛油果沙律，夠清涼，夠新鮮，麻香帶甜微酸開胃。麻酸辣阿婆皮蛋，優質溏心可遇不可求！黏彈的口感，甘香的味道，令人欲罷不能，不過麻辣油調得不夠香有點削。
椒鹽瀨尿蝦，瀨尿蝦 BB 即炸即炒零舍不同！殼脆肉甜肉彈，香口惹味微辣。鹽燒胡麻茄子，有驚喜的食材！台灣肥嘟嘟的茄子，外脆内軟，香甜多汁而且爽口。鮑汁炆雞腳，雖然賣相不討好甩皮甩骨，不過炆足時間炆足火喉，完全入味使得肉質膠黏。鮑汁厚實，爽中散發鮑甜，啜得高興愉快！
蒜蓉牛油單骨雞翼，再次遇上所謂單骨，最怕使得乾膠爭！使我刮目相看，高超技術炸得外脆內嫩，白肉滑溜，雞皮脆身，充滿牛油香，夾點蒜蓉同吃，辛甜香口。松露蝦多士，可愛的中西合璧！先脆後彈，鬆化的外層爆開就是鮮甜彈牙的蝦膠，還有蛋黃醬及黑松露的點綴，提鮮提味！
刺身拼盤，塔斯曼尼亞海膽、北海道牡丹蝦、赤貝、三文魚、帶子、油甘魚，騰雲駕霧，氣氛十足！北海道牡丹蝦黏爽彈牙陣陣鮮蝦味，赤貝雪藏貨微爽無鮮甜味，三文魚平平無奇基本的腍滑甜，帶子薄切少少甜少少滑，油甘魚厚身帶爽油潤魚甜突出！帶子刺身，讓紫蘇片包著，獨特的香草味帶到另一境界！吞拿魚赤身，赤身我少食，少少甜少少滑，接受。北寄貝，悶悶軟塾甜甜地。八爪魚，咸鮮爽脆，餘香飄飄。
少辣大蝦花膠魚肚雞煲，賣相跟中辣完全不一樣，淺淺淡淡的顏色啊！蝦碌巨大無投訴，極爽彈帶著鮮甜！雞肉就真的淡茂茂，滾點汁較舒服。中辣大蝦花膠魚肚雞煲走芫茜，侍應嬸嬸溫馨提示，滾起熄火慢慢嘆。意料之外的巨蝦！啖啖爽肉滾埋辣雞汁，雞蝦互碰，合體攻擊，我投降了！雞肉頂級滑彈，辣汁香辣兼備舔舔脷。魚肚質低疑似豬皮，爽滑索盡雞汁辣汁，精華所在！花膠只屬火鍋花膠桶級數，爽爽不膠的沒怎樣特別。
養生雜菌花膠湯，眼測只有茶樹菇及無花果，淡淡的史雲生味道。漁民艇家鍋，非常典雅清花圖案氣鍋。兩大條大地魚，成堆蝦乾，加入勝瓜添點清新，枝竹添點豆香！落重料無欺場。特濃的湯汁，充滿海味鮮甜，飲到停不下來！未開始打邊爐已經要加湯咯。-
環遊海鮮船，鮮魷鹽味重欠鮮味欠爽彈而且太咸，大頭蝦霉肉唔新鮮，馬刀貝肥美彈滑爆汁可口，龍躉斑腩結實魚味濃越趙越滋味，泥鯭腍啤啤劣質。貴妃蚌，失手地烚得不夠熱不夠熟，貪吃太心急，凍凍入口失敗了！紅蟹最鮮最甜，有膏有肉，愛不釋手！要添多隻先夠喉。青口，點解用雪藏貨？粉粉不鮮。大蜆，瘦瘦細細薄薄，還可以。
極上牛肉，雪花肥牛是也。馬虎的質素略鞋，微微牛味，弱弱甜味，全靠辣椒豉油，過過口癮算罷。魚蛋、片頭、肉丸、韮菜餃，平庸外購貨，不過不失合格。鮮肉雲吞，肉鬆甜而沒有蝦的。鮮蝦水餃，木耳蝦仔，無意見。養生雜菌花膠湯雲吞手打烏冬，烏冬吸盡所有食材的靈魂，紅肉海鮮時蔬精華！本身米香吸引，嚥韌滑彈，那有機會投訴！
手打鯪魚丸、手打豬肉丸、手打韮菜鯪魚滑，味道陰沉，腍啤啤帶少少嚥韌，完全撻唔起我團火，試過就算。手打芫茜鯪魚丸，可怕的味道，我食唔到芫茜股青味，放棄！手打牛丸腍劈劈無鮮味，試試無妨。手打黑松露醬墨魚丸，依幾粒黑松露味濃郁，驚喜夠彈夠鮮。
花之藝術，蘿蔔、金菇、生菜、韮菜花、西洋菜，還加尖紅椒點綴。全部高質，爽嫩爆汁，頂級新鮮菜甜味特強！炸魚皮，梗係要吸吸湯，半脆半濕，滑滑地最好食。響鈴，鬆化脆口豆香欠奉，絕對無緊要，我喜歡索湯浸淋享用。吸收精華湯汁才濕滑入口，熱辣辣更美味！芝士蛋糕，現成外購硬硬芝士，腍腍餅底，香濃芝士，免免強強。
枝豆
5 瀏覽
1 讚好
0 留言
胡麻醬牛油果沙律
5 瀏覽
0 讚好
0 留言
麻酸辣阿婆皮蛋
5 瀏覽
0 讚好
0 留言
椒鹽瀨尿蝦
10 瀏覽
0 讚好
0 留言
鹽燒胡麻茄子
5 瀏覽
0 讚好
0 留言
鮑汁炆雞腳
6 瀏覽
0 讚好
0 留言
蒜蓉牛油單骨雞翼
9 瀏覽
0 讚好
0 留言
松露蝦多士
12 瀏覽
0 讚好
0 留言
刺身拼盤：塔斯曼尼亞海膽、北海道牡丹蝦、赤貝、三文魚、帶子、油甘魚、吞拿魚赤身、北寄貝、八爪魚
10 瀏覽
0 讚好
0 留言
刺身拼盤：塔斯曼尼亞海膽、北海道牡丹蝦、赤貝、三文魚、帶子、油甘魚
9 瀏覽
0 讚好
0 留言
帶子刺身伴紫蘇葉
7 瀏覽
0 讚好
0 留言
中辣大蝦花膠魚肚雞煲走芫茜
12 瀏覽
0 讚好
0 留言
中辣大蝦花膠魚肚雞煲走芫茜
10 瀏覽
0 讚好
0 留言
少辣大蝦花膠魚肚雞煲
10 瀏覽
0 讚好
0 留言
少辣大蝦花膠魚肚雞煲
7 瀏覽
0 讚好
0 留言
養生雜菌花膠湯
8 瀏覽
0 讚好
0 留言
漁民艇家鍋
7 瀏覽
0 讚好
0 留言
漁民艇家鍋
5 瀏覽
0 讚好
0 留言
環遊海鮮船：鮮魷、紅蟹、馬刀貝、青口、大蜆
6 瀏覽
0 讚好
0 留言
環遊海鮮船：鮮魷、大頭蝦、馬刀貝、龍躉斑腩、泥鯭、桂妃蚌、紅蟹、貴妃蚌
5 瀏覽
0 讚好
0 留言
極上牛肉
7 瀏覽
0 讚好
0 留言
手打鯪魚丸、手打豬肉丸、手打韮菜鯪魚滑
5 瀏覽
0 讚好
0 留言
手打芫茜鯪魚丸、手打牛丸腍劈劈無鮮味、手打黑松露醬墨魚丸
8 瀏覽
0 讚好
0 留言
鮮肉雲吞、鮮蝦水餃
7 瀏覽
0 讚好
0 留言
炸魚皮
9 瀏覽
0 讚好
0 留言
炸魚皮、響鈴
11 瀏覽
0 讚好
0 留言
花之藝術
16 瀏覽
0 讚好
0 留言
手打烏冬
16 瀏覽
0 讚好
0 留言
龍躉斑腩
8 瀏覽
0 讚好
0 留言
養生雜菌花膠湯雲吞手打烏冬
12 瀏覽
0 讚好
0 留言
張貼
