蝦佬 (已結業)

午間搵食貼士店面細，不適合大伙兒飯局最多係4人枱，目測係4至5張左右。1215去到，9成滿，咁啱有人走，我地先有位。1300如果係1至2個人都仲可以有位。招呼周到好好禮貌，地方乾淨，所以誠意推介俾各位。同事點咗咗蝦意粉同一杯薑蜜。我試食咗小小，意粉份量十足，蝦嘅質量好好，好彈牙，好爽身。意粉亦軟硬適中，唯一略嫌伴碟的翠肉瓜硬咗啲。我呢點咗牛柳蝦汁飯加玫瑰花蜜。同樣係份量十足，我肉好軟身，飯有啲櫻花蝦，好有心思，飯加咗蝦汁亦好鮮味，好好食。我地叫咗個龍蝦湯，老實如果想食creamy 啲嘅話，佢唔合格，但係勝在夠龍蝦味，加上唔喜歡太creamy 的口感，所以我覺得唔錯。美中不足的是，如果夏天，鋪面會好熱，如果要食一定係買外賣。當日亦見到好多人等外賣。同埋佢都好貼心，可以whatsapp落單，轉頭去攞。另外，如果你係超級環保份子，都請你去前再諗清楚，因為店家全都用即棄餐具及盛器。