亞萊嘜嘜 (已結業)

呢間係荃灣市中心既泰式鋪頭，試完之後係覺得無咩特別吸引之處，加上餸又唔夠熱，所以打左折扣，比上不足比下有餘吧。點了：冬蔭功配烏頭，泰式香芒蟹肉炒飯，西蘭花牛肉粒。冬蔭功配烏頭，烏頭肉質還算好，都算滑既，不過冬蔭功既味道唔算濃。整體呢碟餸算唔錯既。香芒蟹肉炒飯，香芒都算多，唔酸既，另外蟹肉口感都算接受，唔散而且都算唔少蟹肉，味道幾好不過唔夠熱，所以不足之處係有。西蘭花牛肉粒，西蘭花唔生所以口感不錯，牛肉粒都算易入口唔硬既，整體可以，不過都係不足之處係唔夠熱，但份量都算勉強OK,見到menu同類菜式牛肉粒真係好少。呢個價錢係呢個質素我就覺得唔算抵食。總結如果夠熱會好好多。