我想和你無所事事 (沙田中心) (已結業)

食完lunch同朋友行行吓街發現一間個名好得意嘅臺式飲品店， 剛好有啲口渴就決定行埋去望吓。呢間野啲飲品名全部都好很長，但我都竟然睇晒，全因啲名實在太特別，例如“個個EX都係賤藍柑草莓乳酸奶”，“望你望到眼甘金桔檸檬桂花s梳打”, “去少幾次日本終於買到柳丁青瓜銀毛茉莉”。最後我同朋友叫咗一杯“蜂蜜四季春茶”同一杯“不分青紅皂白桃火龍果烏龍茶”。等嘅時候見到人地叫嘅飲品顏色真係同啲相一樣，粉紅粉藍咁好夢幻。不過唔知係咪我哋叫嘅野飲太普通，出嚟個樣都真係好普通 XD 但杯野飲味道唔錯，至少茶底唔澀，我嗰杯仲有少少火龍果肉咬吓， 有機會可以再試下其他夢幻啲嘅野飲。