微酵烘焙 (MOKO新世紀廣場) (已結業)

路過見到呢個麵包店好光鮮，而且啲包嘅造型好得意，就買左幾個做聽朝嘅早餐。香軟肉鬆包 $28 麵包上嘅海苔肉鬆非常多，入面有特製醬汁，好濃味，味道唔錯。香蒜金磚 $19呢個超好味，需要瞓身推介，焗返熱之後好香脆，特濃嘅蒜味好好味，一定要試，就好似pizza hut 嗰隻蒜蓉包咁正！章魚大哥​ ​$28超cute 章魚造型麵包，麵包入面唔止有脆皮腸，仲有海苔肉鬆，係一個升級版嘅腸仔包。香菇麻糬包​ ​$22 對冬菇包一直有好感，呢個像真度極高，入面係芝麻醬及麻糬，好開心有芝麻醬，同麻糬好夾。蒜香煙肉軟包 $28 呢個包較普通，特別在有​原條煙肉，無偷工減料，仲有啲香蒜醬及芝士粉，勁香蒜味同芝士味香！我地仲試埋個極濃可可，一凍一熱，真係超濃朱古力味，熱飲會更加試到個朱古力味，而凍飲就可以試到個芝士奶蓋，兩杯都好味！