影片
更多
2022-09-21
50 瀏覽
次次一講日式放題都淨係會諗起嗰一兩間，嘢食種類方面大家都差唔多，所以一般最主要都係睇食材新唔新鮮，炸物夠唔夠脆，但估唔到今次呢間放題仲多咗樣嘢可以做比較，就係餐廳個景觀！！天朗氣清嘅海景真係冇得輸，一邊食嘢一邊望住個海，即刻覺得啲食物更加好食！呢度嘅梅酒都係任飲架！仲有麵豉湯同糖水以及小食。我哋叫咗個豪華櫻午市放題，一嚟就緊係試吓啲刺身新唔新鮮先啦！（不過記住食幾多嗌幾多，千祈唔好浪費食物🤧）三文魚同北寄貝幾鮮甜，最驚喜係原來貴妃鮑片係咁甜咁好食！另外呢度居然有海膽同拖羅任叫呀～～好幸福呀😭😭😭😭（呢間完勝）清酒煮蜆酒味唔錯，食落去都唔會有沙，蜆肉都幾鮮！鹽燒青花魚個魚格燒到好香，唔想食咁多魚生 / 唔鍾意食魚生的話，都幾推介食呢個魚。蒲燒鰻魚、鹽燒牛舌同鹽燒海蝦都好正！鰻魚夠晒入味，千舌燒完都幾淋，海蝦燒完真係好好好香炭燒味！至於炸物，我哋就叫咗榴連炸彈、香芋丸、椰汁流心球。炸物最緊要夠熱、外皮夠脆，話會流心嗰啲一定要真係流心！而呢度嘅炸物，三樣都處理得好好。雖然呢度嘅MOVENPICK雪糕每人只可拎一杯，但雪米糍就可以任拎，不過食到呢度其實已經勁飽。最後一杯雪糕加一個海景，慢慢Ch
嘢食種類方面大家都差唔多，
所以一般最主要都係睇食材新唔新鮮，
炸物夠唔夠脆，
但估唔到今次呢間放題仲多咗樣嘢可以做比較，
就係餐廳個景觀！！
天朗氣清嘅海景真係冇得輸，
一邊食嘢一邊望住個海，
即刻覺得啲食物更加好食！
呢度嘅梅酒都係任飲架！
仲有麵豉湯同糖水以及小食。
我哋叫咗個豪華櫻午市放題，
一嚟就緊係試吓啲刺身新唔新鮮先啦！
（不過記住食幾多嗌幾多，千祈唔好浪費食物🤧）
三文魚同北寄貝幾鮮甜，
最驚喜係原來貴妃鮑片係咁甜咁好食！
另外呢度居然有海膽同拖羅任叫呀～～
好幸福呀😭😭😭😭（呢間完勝）
清酒煮蜆酒味唔錯，
食落去都唔會有沙，
蜆肉都幾鮮！
鹽燒青花魚個魚格燒到好香，
唔想食咁多魚生 / 唔鍾意食魚生的話，
都幾推介食呢個魚。
蒲燒鰻魚、鹽燒牛舌同鹽燒海蝦都好正！
鰻魚夠晒入味，
千舌燒完都幾淋，
海蝦燒完真係好好好香炭燒味！
至於炸物，
我哋就叫咗榴連炸彈、香芋丸、椰汁流心球。
炸物最緊要夠熱、外皮夠脆，
話會流心嗰啲一定要真係流心！
而呢度嘅炸物，
三樣都處理得好好。
雖然呢度嘅MOVENPICK雪糕每人只可拎一杯，
但雪米糍就可以任拎，
不過食到呢度其實已經勁飽。
最後一杯雪糕加一個海景，
慢慢Chill住嘆真係不得了。
張貼
