影片
更多
2022-10-01
44 瀏覽
「華香雞」喺銅鑼灣站C出口出，轉左沿住駱克道一路直行經過條天橋就到。黎到梗係要試下d雞啦，嗌左「特色四寶套餐」，一次過試晒華香雞同茶香雞兩款口味嘅雞。❤️特色四寶套餐華茶雞飯+滷豬耳+滷腩片+白飯+老火湯寫就寫係「一人份」但我同朋友share食都覺得飽，可想而知呢個套餐嘅份量係幾咁十足！華茶雞飯即係華香雞拼茶香雞。雞肉滑嫩啖啖肉，雖然好似講緊廢話，但真係雞有雞味。雞旁還奉送薑蔥，本身都唔想點因為驚鹹。朋友話d 薑蔥唔鹹我就試試。果然真係唔鹹，重食得出薑同蔥嘅味道，證明薑蔥係廚師用新鮮薑同蔥切成蓉而冇添加多餘的鹽，值得一讚！👍🏻滷豬耳爽脆。滷腩片肥瘦適中。加左$3轉黃薑飯。個飯都好大碗，黃薑飯入口好香，令我胃口大開，不自覺食多幾啖飯！老火湯係清補涼。上枱時熱乎乎重冒煙，夠曬熱，飲完好暖胃，正呀！👍🏻有大量湯渣如淮山、薏米、瘦肉等，十分足料！湯落左雞腳去煲，飲落更鮮甜。好飲到連湯渣都食晒！睇睇餐牌，除左雞重有牛同魚食。嗌左個欖角醬鱸魚煲試下。❤️欖角醬鱸魚煲同老火湯一樣，上枱時蒸氣騰騰。鱸魚入口重熱，一d都唔鯹👍🏻，啖啖肉，但食嘅時候都要小心d魚骨啊～連埋欖角醬一齊食，甜甜的欖角醬加上新鮮嘅鱸
黎到梗係要試下d雞啦，嗌左「特色四寶套餐」，一次過試晒華香雞同茶香雞兩款口味嘅雞。
❤️特色四寶套餐
華茶雞飯+滷豬耳+滷腩片+白飯+老火湯
寫就寫係「一人份」但我同朋友share食都覺得飽，可想而知呢個套餐嘅份量係幾咁十足！
華茶雞飯即係華香雞拼茶香雞。雞肉滑嫩啖啖肉，雖然好似講緊廢話，但真係雞有雞味。
雞旁還奉送薑蔥，本身都唔想點因為驚鹹。朋友話d 薑蔥唔鹹我就試試。果然真係唔鹹，重食得出薑同蔥嘅味道，證明薑蔥係廚師用新鮮薑同蔥切成蓉而冇添加多餘的鹽，值得一讚！👍🏻
滷豬耳爽脆。
滷腩片肥瘦適中。
加左$3轉黃薑飯。個飯都好大碗，黃薑飯入口好香，令我胃口大開，不自覺食多幾啖飯！
老火湯係清補涼。上枱時熱乎乎重冒煙，夠曬熱，飲完好暖胃，正呀！👍🏻有大量湯渣如淮山、薏米、瘦肉等，十分足料！湯落左雞腳去煲，飲落更鮮甜。好飲到連湯渣都食晒！
睇睇餐牌，除左雞重有牛同魚食。嗌左個欖角醬鱸魚煲試下。
❤️欖角醬鱸魚煲
同老火湯一樣，上枱時蒸氣騰騰。
鱸魚入口重熱，一d都唔鯹👍🏻，啖啖肉，但食嘅時候都要小心d魚骨啊～連埋欖角醬一齊食，甜甜的欖角醬加上新鮮嘅鱸魚，令鱸魚味道更鮮甜！鱸魚下面重有洋蔥🧅，洋蔥本身都甜。
❤️另外加左個淨雞湯米。估唔到咁大碗！我同朋友分一半食都覺得飽。個湯底整得幾入味，好味到我連湯都飲埋！
餐廳寫明「本店所有食品不添加味精、雞精、糖精、醋精、香精」。食完呢餐，我信了。👏🏻👏🏻👏🏻
張貼
