SOYmart by 豆乳狂人

營業中

休息中

呢間專賣豆乳產品嘅店鋪最近黃大仙都開左新店佢地嘅無糖豆乳每日新鮮製造 係我暫時最愛嘅豆乳店除左豆乳 仲有小食同粢飯🔸夏日之選 $60呢杯夏日之選口感真係超豐富！清甜嘅西瓜仲夾有芒果，軟糯嘅芋圓配上幼滑豆花，作為飯後甜品好香甜清涼。🔸牛油果鰻魚玉子粢飯 $55 個粢飯好大卷，最外層係粘軟既糯米，內層餡料滿瀉，有牛油果🥑吉鰻魚、蛋、青瓜絲🥒、肉鬆，味道鮮甜，口感層次好豐富！鰻魚嘅軟嫩口感同甘甜魚肉味道相互融合，形成一種口感豐潤嘅層次感。🔸牛油果吉列蝦青瓜絲粢飯 $52粢飯口味一共有5款，作為牛油果控揀左2款牛油果系列。牛油果有綿密口感，而吉列蝦嘅口感鮮脆，帶有微微咬勁同鮮甜嘅海鮮味道，加入一啖啖嘅清脆青瓜絲，令整體口感更加清新爽口。粢飯則帶有糯米嘅黏滑感，令飯粒緊實而有嚼勁。🔸西瓜豆乳 $48呢款係夏日系列嘅新品， 西瓜豆乳仲混合左幼滑嘅豆花同有咬口嘅大粒西米露，每啖都口感豐富，西瓜味道清甜，簡直係最佳配搭。