稻香 (已結業)

都唔記得點解會嚟下午茶 不過好彩呢餐係人地請啫小點$7.80, 中及大點$9.80食物方面都係普遍嘅味道, 比較特別好味嘅就只有蜆芥鯪魚球和泰式雞絲撈檬。魚肉鮮而不腥甜酸適中, 又大碗！但係令我最覺嘔心嘅係「濕淰淰」的麻香杏汁包與义燒包 雖然我知應該係蒸籠的倒汗水, 但始終揸上手係濕嗒嗒, 好核突杏汁唔應該叫「汁」, 應該叫杏「糕」味道普通級的食物有:义燒又乾又瘦, 河粉碎濕濕「浸」湯餃都有少少魚翅仔腸粉皮無米漿, 澄麵硬膠一條只吃到黑椒味吸油一流2:30pm後唔洗點等都好快有位, 而且個自助登記機幾好玩, 幾多位...自己輸入, 搭唔搭檯...自己輸入, 個個排隊玩, 唔洗同人爭。