影片
更多
2010-07-31
10 瀏覽
黎到5樓厨房通常都會食大大件既食肉，即係牛、豬、羊或者比較 light 既魚！唔好誤會唔係5樓厨房 Menu 無供應肉類，而係朋友們都不約而同放棄大大舊肉，可能天氣熱啦，清清淡淡反而啱夏天胃口喎，而且仲深深引証到無肉一樣鮮既道理。3 份 Set Lunch：麵包 + 湯或沙律 + 主菜 + 飲品 麵包：麥加白包分別有3件，一向都鐘意呢度既麥包，饀有提子同果仁，不過皮通常都係硬。但今日既麵包抵讚，皮烘得脆脆，配與軟軟既包肉，感覺新鮮，唔使搽牛油都得！湯：甘筍湯 (唯一選擇)有甘筍味，稀 "杰" 適中，符合大眾要求。 沙律：荷蘭蕃茄沙律(另有雞絲沙律可供選擇) 平時食蕃茄好少注意蕃茄類別，今次注明荷蘭蕃茄，覺得有衝動試下。原來呢隻荷蘭蕃茄比日本魚子大小小，有紅色同黃色，皮簿兼脆，一咬果然好似魚子响口中爆開咁，"BOo" 一聲果肉同汁就流出黎，好有趣！茄味唔算濃，紅色會較有味，但食唔到有核，如果屋企有呢種蕃茄做小食，食得過癮又健康。其他沙律菜同樣非常新鮮，伴上帶小小酸甜既特別沙律汁，，好清新、好正！ 主菜：3份主菜都隨住上枱時香氣四溢，加上賣相不俗，未食先口水流！- 青口扁意粉：青口新鮮，剛
3 份 Set Lunch：麵包 + 湯或沙律 + 主菜 + 飲品
麵包：
麥加白包分別有3件，一向都鐘意呢度既麥包，饀有提子同果仁，不過皮通常都係硬。但今日既麵包抵讚，皮烘得脆脆，配與軟軟既包肉，感覺新鮮，唔使搽牛油都得！
湯：甘筍湯 (唯一選擇)
有甘筍味，稀 "杰" 適中，符合大眾要求。
沙律：荷蘭蕃茄沙律(另有雞絲沙律可供選擇)
平時食蕃茄好少注意蕃茄類別，今次注明荷蘭蕃茄，覺得有衝動試下。原來呢隻荷蘭蕃茄比日本魚子大小小，有紅色同黃色，皮簿兼脆，一咬果然好似魚子响口中爆開咁，"BOo" 一聲果肉同汁就流出黎，好有趣！茄味唔算濃，紅色會較有味，但食唔到有核，如果屋企有呢種蕃茄做小食，食得過癮又健康。其他沙律菜同樣非常新鮮，伴上帶小小酸甜既特別沙律汁，，好清新、好正！
主菜：
3份主菜都隨住上枱時香氣四溢，加上賣相不俗，未食先口水流！
- 青口扁意粉：青口新鮮，剛好既熟度，能保持肉質彈性、水份同鮮嫩。雖然唔係頂級肉厚既青口，但一分錢一分貨，Set Lunch 做到咁，已經好唔錯！扁意份靭度都符合大眾要求，但我個人口味就鐘意更有咬口既意粉！值得一提係個汁，蕃茄配上小辣，做得好野味，同其他食材非常配合，而且仲好啱熱天，有心思！
- 雜菌意大利飯：雜菌亦都係非常新鮮，有爽口、有軟熟既，口味清新自然，配上白汁意大利飯能夠做到中和既作用，唔洗太 "掛" ，亦係唔錯既選擇。不過極度怕膩既朋友，就可能要避開容易飽肚既意大利飯喇！
- 蜆配扁意粉：亦同樣係好新鮮既原隻蜆，朋友可算係食肉獸 (紅肉)，但都讚呢個蜆好甜，可見得係相當唔錯。扁意粉都同樣配以蕃茄辣汁，同樣係好正啦！
餐飲：熱咖啡
咖啡同奶都夠熱、味道香濃，好ok 啦！
享用過一餐無肉既午飯，大家都一致認同呢餐係無肉一樣鮮，非常滿意！除左材料一定新鮮外，厨師煮功都唔能夠沫殺！
環境：地方唔大，以白色為主，勝在佈置閒逸，加上通往露台既落地大玻璃，自然光線充足，遇上陽光燦瀾既天氣，心情會倍覺開朗，有點遠離煩囂、暫時放開工務既輕鬆心情！
服務：都能提供專業服務，對菜式食材有認識，能解答客人疑問。若臉上能多掛點笑容會更完美。
張貼
